GASTEIZ - ikasitakoaren inguruan sortu ditugun bideo eta gida turistikoa

      Martxoak 22an Gasteizera goaz egun-pasako txangoa egitera. 

     Bertan, goizean, hainbat  toki bisitatu behar ditugu : Mendizorrotza, Ajuria-enea, Lehendakaritza, Eusko Legebiltzarra ( ezin gara barrura sartu, pleno eguna baita ) eta Santa Maria katedrala.

     Arratsaldean, Alde Zaharrean "Hi, selfie"  eta "altxorraren bila"  antzeko  jolasa antolatua dugu, nolabait, aitzakia horrekin, ikasleek hango leku interesgarrienak bisitatu eta hainbat detaileetan fijatu daitezen.

       Hori jakinda, 5 eta 6. mailako ikasleekin hainbat lan ezberdin egin ditugu: Gasteizera bidaia antolatu ( bisitak hitzartu, autobusa kontratatzeko aurrekontuak eskatu, jolasa gauzatzeko taldeak egin, ibilbideak zehaztu, ...), historia ezagutu, gida turistikoa egin eta, Eusko Jaurlaritzaren inguruko erakundeak eta beraien funtzioak ezagutu ( hasiera batetan, astelehenean joan behar ginenez, Eusko Legebiltzarra  bisitatu behar genuen ).

       Hemen, horren ondoren sortu ditugun bi lantxo zintzikatu ditugu: egin dugunaren inguruko informazioa eskaintzen duen bideoa eta " gida turistikoaren " ale bat.

HAMAIKETAKOA PRESTATZEN

Egunero jaten dugu fruta hamaiketako garaian.
Gaur era desberdinetara prestatu ditugu eta hamaiketako goxoa egin dugu.
Ikusi bideoan zeinen ederki moldatu diren gure neska-mutilak!

Eskola Txikien arteko kirol topaketak

     Urtero bezala, aurten ere Eskola Txikien arteko kirol topaketetara jaitsi gara. Topaketak martxoaren 9an izan dira, Tolosako Berazubi estadioan.

     Bertan, Lehen Hezkuntzako 3, 4, 5 eta 6. mailako ikasleak elkartu eta eskola desberdinetako ikasleek osatutako taldeetan banatu dira. 

     3 et 4. mailakoak,  atletismoko pistan, hainbat frogaz osatutako errelebozko lasterketa bat egiten dute. Bien bitartean, 5 eta 6. mailakoek, pista inguruko eremutan beste jolas sorta bat egiten dute. 

    Goiz erdian hamaiketakoa egin eta berriro jolasei ekiten zaie, baina lekuak  trukatuz.

    Ikasleak oso gustura jardun ziren.

.

EMAKUMEAREN EGUNA

Joan den ostegunean, martxoak 8, geuk ere "Emakumearen eguna" ospatu genuen eskolan.

Lehenengo, "Nire gorputza da" abestia kantatu bitartean dantza polit bat egin genuen jolastokian.

Eta ondoren, "Emakumeak planto" leloa irudikatu genuen lurrean denon artean.

Gurasoak ere etorri ziren gu animatzera, eta, urduri egon baginen ere, ederki atera zitzaigun!

 

Bukatzeko, eskola atarian  gure besoko moreak esegi genituen. Bertan marrazkiak edota leloak idatzi genituen goizean, neskak eta mutilak, denok, parekoak garela adieraziz!!!!

Martxoa - jantokiko menuak